السلام عليكم ..
إزي حضرتك يا دكتور .. بجد موقع هايل وانا دخلت قريت كل الاستشارات عشان استفيد منها .. كنت عايز اخد رأي حضرتك في حاجة يا دكتور بعد اذنك وياريت تفيدني ارجوك
انا كان وزني 116 كيلو وتابعت مع دكتورة ريجيم وبقي وزني حاليا 103 .. لكن بقالي اسبوعين وزني لا يتحرك خطوة واحدة علي الرغم اني ملتزم جدا بالريجيم وده ضايقني جدا جدا بصراحة ان بعد المجهود ده كله وزني يبقي ثابت .. الدكتورة قالت لي ان كدة جسمك بيعند مع الدايت .. وكتبت لي علي دايت تاني وادتني كمان كبسولات اسمها اوركال .. وقالت لي ان دي هتساعد في كسر ثبات الوزن ..
عايز راي حضرتك يا دكتور ايه علاج ثبات الوزن ده وكمان هل الكبسولات دي كويسة وفعالة ولا بلاش منها خصوصا انها غالية الشريط الواحد بـ 30 جنيه .. واخر سؤال يا دكتور .. لما احس بالجوع وانا في الشغل ممكن اكل ايه وما يخليش وزني يزيد
ميرسي جدا يا دكتور عماد علي سعة صدرك وفي انتظار رد حضرتك
تحياتي

ثبات وزنك معناه خطأ في تصميم النظام الغذائي، وهذا تتحمل مسئوليته طبيبتك، ويجب مراجعتها في ذلك.

أنا لا أحب ولا أصف هذه الكبسولات والبينة على من إدعى.. أطلب من طبيبتك تفسير عمل هذه الكبسولات.

عند الجوع تناول خضراوات السلطة.. وفي وقت الغذاء اذا كنت لا تستطيع تناول وجبة .. فمن المستحسن تناول ثمرة فاكهة.