صباح الخير

انا كنت سألت حضرتك شوية اسأله وبكملهم هنا

وطبعا بشكر حضرتك علي ردك السريع وسعة صدرك

1-تغير الوزن بين الصعود والهبوط مضر؟

2-لو في حلويات عندنا هل ممنوع اكل منها خالص؟

3-حضرتك مش بتحب يوم كسر الريجيم -هل ده معناه منكلش اي حاجه بنحبها خالص؟ولا نبقي ناكل احيانا فوسط الريجيم من غير تخصيص يوم حر؟

4-اهم سؤال عندي بقي لو انا قللت السعرات اللي باكلها قوي-ده ممكن يخلي وزني مينزلش

لان انا في ايام باخد فيها 200 او 300 سعر بس وبعمل رياضه ومش بخس الا بطلوع الروح

5- في عندي مشكله فالوزن يعني فالبيت وزني 63 وفالجيم علي ميزان الكتروني وزني 67 فأي واحد ادق ؟

6-اخيرا-معلش استحملني-

انا طولي 150 سم ووزني علي حسب كلام ميزان البيت 63 كيلو وعمري 19 سنه

المفروض اخد كام سعر فاليوم عشان اخس كيلو فالاسبوع او كيلو ونص مع ممارسة الرياضه 8 ساعات

تقريبا في الاسبوع ما بين مشي وايروبكس وعجلة.

1- تغير الوزن بين الصعود والهبوط (اليويو) مضر طبعا لانه يكسب الجسم مناعة ضد فقد الوزن.

2- ممنوع أكل الحلويات خالص طبعا.

3- ممكن أحيانا أكل من حاجة نحبها بس بكميات قليلة.

4- كلما قللت من السعرات كلما نزل وزنك.

5- ميزان البيت مش مضبوط والالكتروني أدق.

6- مع طولك وعمرك ولكي تخفضي وزنك كيلو جراما اسبوعيا يجب أن لايزيد ما تتناوليه عن 1000 سعر يوميا، مع الابتعاد عن السكريات المباشرة والحلويات.