صباح الخير

عندي كام سؤال اتمني حضرتك تجاوبني عليهم

1-لو قدرت انزل وزني مثلا 5 كيلو فالشهر هل ده غلط؟؟؟يعني في حد اقصي لفقدان الوزن لو الانسان تعداه يكون مضر

2-سرعة فقدان الوزن تسبب الترهل؟وهل الترهل بيتحسن تدريجيا لوحده؟

3-لو قعدت اسبوع علي كام نوع من الخضار الني والمسلوق وفاكهة التفاح فقط بدون اي رز او عيش او لحوم خالص ده غلط مع ممارسة رياضه كتير

4-قرأت مره عن الاطعمه سالبة السعرات اللي بتستهلك سعرات اكتر ماللي فيها عشان تتهضم وكده–هل ده كلام صح؟؟وهل المانجو منها؟

اسفه علي اسألتي الكتير بس اعذرني لان مفيش حد اقدر اثق فيه غير حضرتك.

1- مش غلط انك تنزلي 5 كيلو في الشهر .. وأهم من النزول انك تتعلمي تاكلي ازاي في مستقبل الايام.

2- فعلا سرعة فقدان الوزن قد تسبب الترهل. والوقت والرياضة كفيلان بالتحسن.

3- الغذاء بدون لحوم أو بروتينات أو بعض النشويات غلط طبعا لأن الجسم يحتاج يوميا الى بروتينات بالاضافة للعناصر الاخرى وهي المواد النشوية والدهون والفيتامينات والمعادن والماء .. ونظام غذائي مثل الذي تقترحينه سيضر بصحتك طبعا.. بالاضافة لأنك لن تستطيعي الاستمرار فيه أكثر من يومين ثم تكفرين بكل الأنظمة الغذائية اللي في الدنيا.. وقد تتطرفين في تناول الأغذية الممتنع عنها فيزد وزنك زيادة كبيرة.

4- الاطعمة سالبة السعرات هي التي تستهلك سعرات في هضمها وامتصاصها ربما أكثر من قيمتها نفسها.. ومن أمثلتها اللحم على أن يكون وحده بدون أي عناصر غذائية أخرى ( كما في نظام اتكنز).. وطبعا المانجو مش من الاطعمة سالبة السعرات .. والا ما كنش حد غلب.