السلام عليكم .. بداية انا بحيي حضرتك على باب الاستشارات بجد حاجة مفيدة جدا ..
انا عندي شوية اسئلة و استفسارات شاغلني هقولها لحضرتك بس اولا انا عندي 15 سنة و طولي 155 و وزني 63 .. و الحاجات اللي شغلاني هي الآتي :-
1- هل لو قللت -قللت اوي- من كمية اكلي هيأثر على تركيزي و لا هي بنوعيته مش بكميته ؟
2- انا بحاول انتظم عالرياضة يوميا -اول ما اصحى من النوم- لمدة نص ساعة , هل النص ساعة كافية و لا ازودها ؟
3- هل لو كترت من الفاكهة ابقى بأذي رجيمي ؟
4- انا بحب المكرونة فما كمية الجرامات المسموحة في اليوم لها و ايضا الارز ما الكمية المعتدلة منه في اليوم ؟
5- هل مضغ اللبان مضر ام جيد ؟
6- هل استخدام القليل من الزيت او الزبد من وقت لآخر مضر ؟
ده كل اللي في بالي لحد دلوقتى و لو شغلني سؤال تاني مش هتاخر .. انتظر رد حضرتك و شكرا جزيلا
1- الغذاء بنوعيته وكميته أيضا .. ويجب أن تتبعي غذاء صحي يضعه طبيب لك حسب احتياجاتك وعملك وعمرك.. ولا تترك الامور هكذا والا ستضار صحتك.
2- نصف ساعة من الرياضة كافية.
3- الفواكه تحتوى على سعرات وزيادتها تضر بالريجيم طبعا.
4- كمية المكرونة أو الأرز حسب الريجيم ونوعه.. وعموما تكون الكمية 4 ملاعق أرز كبيرة أو 6 ملاعق مكرونة كبيرة.
5- اللبان خال من السكر جيد.
6- القليل من الزيت أو الزبد مطلوب أحيانا.