د…عماد
بعد ما قرأت مقال حضرتك التخسيس – التنحيف – خفض الوزن .. قرار ذاتي ثم مساعدة محترفة
وجدت نفسي اكتب كي يستفيد كل قراء الموقع سأبدا حكايتي واعزروني لو أطلت الحديث
تبدأ هوسي بالرشاقه منذ عشر سنين بالتحديد بعد انجابي الثاني ….لم اجد هناك من ينبهني على راي المثل حط عقلك في راسك تعرف خلاصك – بس للاسف ماحسيتش بقيمه المثل بعد ماعانيت لو كنت فكرت بعقلي كنت أنا اللي كسبت يعني لو استشرت د..تغذيه يراعي الله زي حضرتك كانت قله التكلفه بس لا ازاي لازم نجرب —- البدايه كنت بنزل يوميا وانا طبعا في الامارت والجو مش عايزة اقولكم عامل ازاي كنت بنزل في عز الرطوبه طبعا بدون اكل لو جعت اشرب ميه وانام نزلت في شهرين 20 كيلو طبعا التركيز مفيش .. اكتئاب على طول …علشان ماطولش عليكم لما كميه الميه اللي في جسمي نزلت جاني ترهلات رهيبه في الصدر والله العظيم كان عبارة عن جلد فقط لاغيرر ….واحدة صديقه الله يسامحها اقترحت عليا بأسم كريم وكمان مش من هنا من بلد تانيه طبعا لاني كنت هموت من شكلي قلت اعمل اي شيء بشرررط اني ارجع ابص لنفسي تاني وترجع ثقتي ….وياااريتني ماسمعت اشتريت الكريم ومش عايزة اقولكم من اول استعمال له وكأن ميه نار على جسمي رحت جري لدكتوره قالتي بالحرف الواحد احمدي ربنا انك جيتي وماكملتيش الكريم كان ممكن يحدث سرطان وتشوهات للجلد ….الادهى من داا ان صديقتي مكنتش بتستعمله كانت بتاخد نسبه لما تبيعه …وكانت بتلجأ لعمليات التجميل خدعه يعني …حمدت ربنا وبدأت اعمل تمارين واكثفها لتقويه عضلات الصدر وبدون مشرط ولا كريمات اتحسن لحد كبير جدا جدا على الاول ….طيب مش اتعلم بئا لا ازاي كملت المشوار مش عايزة ازيد وعايزة اوصل لوزن ثابت وعايزة اكل مش هفضل في حاله حرمان …..في قاعده حلوة مع صحباتي واووووووو سمعتوا على الكريم الفلاني دا روعه بينزل الدهون رحت جررري اشتريته دي المطربه الفلانيه خست عليه اقسم بالله وحياة ولادي ماعملش اي شيء بالعكس حسيت انه خزن الميه جوا جسمي ..اسكت لا طبعا في شورت تحفه بيشيل السيلوليت وبيظبط الجزء الاسفل اشتريته ونزلت اعمل اسبورت به عارفين كانت النتيجه ايه طبعا احمرار رهيب كأني محروقه وعمل بقع مش عايزة اشرح بس كان الشكل بشع رميت الشورت اسكت لا …في قعدة برضه تانيه سمعتوا عن الكريم اللي في ساعتها بيشيل السيلوليت والتشققات اللي بعد الحمل جبته معملش اي حاجه بالعكس عمل بقعه سودا واصبح الجلد مكرمش اةةةة ….اسكت لا طبعا المركز الفلاني عامل اعشاب خطيرة لتثبيت الوزن وكلي ماتشائين جبته عملي زياده في وزني …ولا الحلق البسي الحلق وهتنزلي جبت الحلق ولا حاجه علشان تعرفوا النصب والاحتيال …يا د عماد موقع حضرتك غيرني تماما لاني فعلا كنت على حافه الهاويه قعدت فكرت انا دفعت لايقل عن 4000درهم في هبل يعني لو كنت لجأت لدكتور امشي معه بنظام واتابع معه حالتي كانت العمليه هتكون ارخص كتيرررر من البهدله اللي اتبهدلتها ….دلوقتي بنوتي عندها 10 سنين طبعا تعتبر مليانه بالنسبه لطولها وسنها من اكل الشيبسي عارف يا د .عماد جبتها وقعدتها تقرأ المقال بتاع حضرتك علشان تعرف والحمد لله بعمل انا وهي اسبورت في البيت وبحاول اقلل الشيبسي
فرجائي لكل من يقرأ ان يستفيد العمليه بسيطه جدا جدا متابعه مع د كتور ورياضه بلاش وهم الاعلانات والجري وراها لان النتيجه مفجعه
وتقبل تحياتي
أحيي الأخت الفاضلة صاحبة الرسالة لرغبتها المخلصة في مشاركة جمهور القراء تجاربها التي دفعت ثمنها غاليا.. ويسعدني تلقي تعليقات القراء على هذا الموضوع الهام.