د. عماد صبحي

مساء الخير

اسمح لي أولا أن اعبر لك عن تقديري لك بتلك الأبيات المتواضعة من شخص غير موهوب…

الأطباء كتير.. فيهم صغير فيهم كبــير

بس حقيقي.. د. عماد صبــحــــي خطير

بمقالاته واستشاراته.. جسمي بقي صغير

بحبه وأحترمه.. وبهدي له أعظم تــقــدير

نفسي أقابله بالأحضان وأقوله أنت إنسان

خليتني قدام الناس مثل وقدوة ولي مكان

أنت في قلبي والله، ومديون لك بالعــرفان

أنا نسيت شكلي السابق أيام تخني زمان

في البداية أحب أتوجه لك أيها الإنسان د. عماد بالشكر ولما تعرف حكايتي هتصدق أن اللي أنا كتبته في البداية قليل جداً عليك. طولي 168 وسني 23 سنة

بدأت دايت يقوم على “العودة إلى الطبيعة” مع تقليل كميات أكلي بشكل تدريجي من شهر ابريل الماضي وحتى الآن فنزل وزني من 135 إلى 89.5 كجم وهذا حتى يوم الجمعة الماضي، آكل ما يأكلون منه في البيت بالضبط ولكن بدلت نظام الحركي مع تغيير نوعيات الأكل التقليل الشديد من المقلي والاتجاه للمشوي أو المسلوق أما العيش فاقل من ربع رغيف في الوجبة يشبعني دلوقتي مع الفاكهة الطبيعية والخضروات والسلطة.

بأخذ هاي كروم كنت قرأت عنه من خلال استشارات حضرتك، ولما لقيت شعري بدأ يقع بعد أول فترة في الريجيم نظراً للجهل بالكثير من أمور الريجيم في هذه الفترة وعلشان الشعر أخذت دواء فيتازنك وبقي كويس دلوقتي.

عارف أني طولت على حضرتك لكن أسئلتي هوضحها لحضرتك حالاً:

1. رغم شعوري بأن صحتي أحسن دلوقتي إلا أن الناس بدءوا يخوفوني بعد ما يهنوني بنجاحي ويقولوا أنت ما تبعتش مع دكتور -فينصحوني باني اعمل تحليل صورة دم أو وظائف كلى…. الخ رغم أنهم مش دكاترة-، ولكن أنا قرأت كتير في المجال دوت منهم أهم كتاب ” أسرار الجسد ” بالإضافة لمقالات الانترنت سواء موقع حضرتك أو مواقع أخرى، بصراحة ابتديت أخاف على نفسي رغم أن صحتي كويسة عن أيام السمنة فلي سؤال هل معدل انخفاض وزني هذا زيادة ولا كده معقول كان في الأول زيادة يعني مثلاً أول شهرين كنت بنزل ما بين 10 إلى 12 كجم في الشهر دلوقتي ما بين 2 إلى 4 كحد أقصى نزول وزن في الشهر، قل لي يا دكتور بأمانة اعمل أيه هل أنا كده ممكن أضيع ويحصل لي حاجة يا ناس أنا كويس ولكن بدءوا يقلقوني بعدين أنا كنت لما أعوز حاجة بسال حضرتك في الاستشارات أو أي حد متخصص ومش بيبخل علىّ في الرد.

2. اللي زود قلقي وجدود بعض الترهلات في مناطق الجسم فهل دوت معناه أني غلط طبعاً الترهلات بتقل من فترة لفترة ودلوقتي غير من شهرين فاتوا ولكن في ناس بيكونوا 89 كجم ومفيش عندهم ترهلات هل دي مشكلة ولا حسب الطول.

3. بإذن الله هزور حضرتك في العيادة قريب علشان أشكرك وبردوا اطمئن على نفسي وبردوا استفاد من حضرتك اكتر فمقابلة د. عماد صبحي شرف لأي إنسان لان د. عماد صبحي إنسان ومش بس طبيب، بس لما يجيء لي فلوس ادعي لي “ربنا يبعت”، بصراحة خايف من الوهم ولكن كنت عاوز اعرف أيه اللي هيحصل في الكشف يعني خطواته أيه اللي هيحصل فيه وهيتعمل بالضبط.

وأخيراً أتمنى مكنش طولت عليك

تصبح على خير د. عماد ب.

صباح الخير يا أستاذ طلعت

أشكرك من أجل مشاعرك الرقيقة .. ومن أجل شعرك الجميل.

ما حققته يعتبر انجازا بكل المقاييس، ولا تنزعج من تعليقات الهواة من حولك .. فجزء كبير من تعليقاتهم سببا الغيرة مما حققته .. عليك بالاهتمام بالخضراوات والفواكه فهي التي ستحقق لك ما يحتاجه جسمك من الفيتامينات والمعادن. وانخفاض معدل النزول طبيعي .. لأن دهن جسم قلت كميته .. ويجب الاهتمام بممارسة الرياضة للتغلب على الترهلات.

زيارتك لي في العيادة تشرفني .. وأرجوك ألا تحمل هما للماديات.