هاي يا دكتور عماد ازاي حضرتك عامل ايه
انا بصراحه عندي اسئله كتيره ياريت حضرتك تجاوبني عليها
اول سؤال
هو انا ممكن لو باخد حبوب الرده قبل الاكل ممكن بعد ما اكل اخد الفيتامين عادي ولا كده امتصاص
الفيتامين يتاثر؟
وهو يا تري صحيح ان الرده بتمنع امتصاص الحديد؟
وسمعت ان الرده مش بتعمل هشاشه عظام لو اتخدت بكميات معقوله
يا تري ايه هي الكميات دي؟
تاني سؤال
يا دكتور عماد انا باخد سيبوترامين10ملجم
هل كده ما ينفعشش اخد الفيتامين بعده لانه ممكن ياثر
وهل ما ينفعش اخد السيبوترامين بعد الاكل لما اكون واخده قبل الكل رده؟
انا قرات ان السيبوترامين استخدامه امن لمده تصل 6 شهور
وانه مخصص لمن يعانون من السمنه
فهل هو امن ليه لو انا مش بعاني من السمنه
بس مجرد باخده علشان اتحكم في شهيتي لما اكون بعمل دايت عادي؟
تالت سؤال
انا قرات لحضرتك في احدي الاستشارات ان التزبزب في مستوي الانسولين ممكن يؤدي الي نوع من انواع السمنه التي لا علاج لها
فبصراحه اترعبت
لان انا ممكن مثلا افضل منتظمه في اكلي 10 ايام واجي يوم او اتنين ابهدل الدنيا في الاكل
واحس كاني عندي القدره اني لما اخد سعرات زاءده ممكن اتخن 3 او 4 كيلو في يوم
وبصراحه انا لما بلخبط في الاكل بحس كاني بعاقب نفسي فاكل اكتر حتي لو مش جعانه
هو حضرتك تعرف سبب لكده يعني هل ده عادي ولا دي حاله مش طبيعيه عندي؟
وهل فعلا الواحد ممكن يتخن 3 او 4 كيلو في يوم لو اكل زياده عن احتياجه؟
وهل انا بكده ممكن اصاب بالسمنه الملهاش علاج دي نتيجه تزبزب الانسولين؟
رابع حاجه
انا قرات في الجرنال ان الريجيم الكمياءي يؤدي لاختزال سواءل الجسم فقط ولا يحرق الدهون ويسترد ما فقده عند اول انحراف
هل الكلام ده صحيح فعلا حتي ولو اني التزمت في اكلي بعد ما خلصته؟
خامس حاجه
ايه راي حضرتك في ريجيم الموجه؟
سادس حاجه
هو الشاي او القهوة بعد الاكل غير انه بيمنع امتصاص الحديد
هل فعلا بيعمل عصر هضم؟
وهل الكافيين الكتير ممكن يخلي الوش اكبر من الجسم؟؟
سابع حاجه
انا سمعت عن النيجاتيف كالوريز فهل هي تنطبق علي اي حاجه اقل من ال110 سعره\
كمثلا لو اكلت بقسماطه
ولا هنا بقي المؤشر السكري لي دور؟
تامن حاجه
ايه راي حضرتك في اليقوله ان البيعمل دايت لازم بعد فتره يعمل shockعلشان يخس
مع ان انا اي اكل يبان عليه بسرعه
عندي احساس ان انا عندي قدره اتخن 2 كيلو في ساعه لو اكلت جامد
تاسع حاجه
انا اعرف ان انخفاض الوزن بصورة ملحوظه ممكن ياخر الدوره الشههريه
ازاي اتجنب ده؟
عاشر واهم حاجه
انا حاسه ان عضلات بطني مرتخيه وعندي بطن
مع ان طولي متناسق مع وزني
هل الحل اني اخس عن وزني المثالي كمان 3 او 4 كيلو
مع العلم اني بشفط بطني باستمرار
انا طولي حوالي 154 او 155 ووزني 54 وعندي 21 سنه
سؤال اخير من غير ما تزهئ مني بليز
انا فصيله دمي A
وانا باعشق الطماطم والفلفل و الشاي الاسود وحاجات تانيه كتير ما تتناسبش مع فصيله دمي
فهل ده يتخني جامد ويزيد من وزني حتي ولو باكل منه بكميات محدوده؟
وهي الكبده اد ايه سعراتها
وايه هو المؤشر السكري للجزر والفلفل المسلوقين
والعسل
معلش حاجه كمان بليز
هو التثبيت ده بيكون عن طريق دايت معين
ولا مجرد نمط حياتي
ومعلش افتكر حاجه كمان
حضرتك بتقول بلاش نجمع بين الفاكهه والبروتين
فهل تقصد الفراخ واللحمه والسمك وكده
ولا كمان الزبادي والجبنه والبيض
وهل التونه تعتبر من البروتين الزي سمك ولا الزي الزبادي
يعني ينفع اجمعها بالفاكهه
وهل ممكن ادمج كزا نوع فاكهه مع بعض
مثلا تفاحه وكمترايه وبرتقانه
كده يعني ده ينفع؟
وهو انا علشان اعرف عدد السعرات الانا محتجاها اضرب وزني الحالي في 20 ولا الوزن الانا عايزه اوصله في 20
شوف يا دكتور انا مش عايزه اعد كام سؤال انا سالته لان انا عارفه ان حضرتك كرهتني وحتقفل الموقع ده
خالص بسببي
بس معلش رجاء اخير ارجوك
ممكن حضرتك ترد عليا علي ايميلي لان انا ساعات مش بعرف اوصل للاستشارات واتوه فيها
حضرتك براحتك لو عايز تنشرها
بس ارجوك رد عليا في ايميلي بليز
ميرسي جدا بجد
باي
ساره