انا شاب يدعى انسان.. برسم ضحكتى فى كل مكان.. بينى وبين نفسى حزين.. محسوبكم اصله شويه تخين.. اخس واخس واخس واروح لدكاتره باإلاالفات.. وارجع تانى ازيد نفس الكيلوهات..

وبعدما كنت شاب سعيد.. ابقى حزين فى اوضتى وحيد .. وان كان الفرح على يمينى اخد بعضى واروح لبعيد.. ادويه وحاجات غريبه الشكل.. ومش عارف برده ابطل اكل .. استنى استنى انا مش مفجوع..  محسوبكم اصله هوايته الجوع.. اصل انسان بحاله نفسيه .. كل اما احزن حبه اتخنلى شويه..
انا عمرى 23 عام وبجد تعبت  من موضوع السمنه والتخن، لا انا عارف البس طقم عليه القيمه، ولاا احجز تذكرتين فى السيما ،طولى 188 سم ووزنى 150 كيلو. وانا عارف ان مفيش حل يااما حاولت ومفيش حل.. بطلع همى فى حبه شعر.. ويارب يهونها عليه انا بجد محبط ومكتئب، وده حال ناس كتير  مصابين بلعنه السمنه. بس ارجع واقول الحمد لله على كل  شئ.

_____________________________________________

موهبة رائعة نهنئك عليها.. أما عن سبب شكوتك فندعوك لعيادتنا لمساعدتك على حله.