من فضلك يا دكتور عماد انا وزنى قليل جدا وانا مكتوب كتابى وفرحى قريب ونفسى ازود وزنى مع العلم ان انا اعانى من الانيميا من وانا طفلة وكنت بتعالج منها ولكن كنت كل ما ابدا فى العلاج ازهق واسيبه لحد دلوقتى مش عارفة اتعالج منها والنسبة عندى 10وساعات بتقل واخدت ادوية كتير وحقن فيتامين b وبودر انشور وفيت بسكت و اخدت فيتامينات كتير ولكن مش بكمل وانا اعانى من ضغوط نفسية كبيرة جدا بسبب وفاة والدتى وعايزة انام على طول وكسلانة وبحس بارهاق من اقل حاجة اعملها وضربات قلبى سريعة ومش عارفة انهى دراستى لحد دلوقتى لانى بنسى كتير وتركيزى قليل مش عارفة اعمل ايه وبابا رافض ان انا اروح لدكاترة لانه زهق وبيقولى انتى ال عاملة ف نفسك كده علشان نايمة ومبتكليش وبقوله ان انا بنام غصب عنى مش عارفة افوق كل دا ماثر على حياتى نفسى ابقى كويسة وصحتى كويسة واذاكر كويس وخطيبى يتبسط منى ياريت يا دكتور عماد تساعدنى من خلال العيادة الاليكترونية لان دا باب امل جديد بالنسبالى واللي حضرتك تقولى عليه هانفذه ان شاء الله علشان نفسى ابقى هبه النشيطة والشاطرة وجسمى يبقى حلو.

لا يوجد مبرر يا هبة لنبرة اليأس الموجودة بين سطور كلماتك.  باذن الله ستتحسن حالتك معنا من خلال العيادة الالكترونية وستحققين ما ترغبين. حاولت أن أرسل لك رسالة خاصة على عنوانك الالكتروني لكنه للأسف مكتوب خطأ.. اعيدي الكتابة الينا بعنوانك الصحيح حتى يتسنى لنا ارسال استبيان العيادة الالكترونية، ولا تفعلي مثل الكثيرين الذين يكتبون لنا بعناوين خاطئة فلا نستطيع التواصل الشخصي معهم بالاستبيانات التي تعرفنا بحالتهم الصحية.