السلام عليكم دكتور عماد

اولا الله يبارك فيك

ثانيا :انا كنت قلت لحضرتك اني ولدت قيصري وحضرتك نصحتني بالرياضه

بس انا ملاحظه حاجه مش فاهماها انا زمان لما كنت بعمل اي تمارين بسيطه للبطن كنت لازم تاني يوم اقوم عضلات بطني شاده جدا، انا بقالي فتره من ساعه ما حضرتك قلتلي وانا بلعب كل يوم تمارين بطن ومع ذلك ما حستش خالص بالشد ده، انا عارفه ان الشد ده معناه ان العضلات بتستجيب للرياضه، فنفسي اعرف اي اللي حصل وامتي عضلاتي هترجع تستجيب تاني

ومعلش كنت عايزه حضرتك تكتبلنا مقال عن تغذيه الاطفال واي اللي نبدا بيه واي اللي ناجله للاخر

وبالنسبه ليا انا بحب البليله وانا باكلها الصبح في الفطار بلبن خالي الدسم ومنغير سكر انا عارفه انها مفيده بس هتتخني والا لا

وشكرا يا دكتور

الشد في العضلات معناه استجابة العضلة للرياضة فعلا.. وبالنسبة لك يستحسن فحصك طبيا لمعرفة حالة العضلات.

بالنسبة لتغذية الأطفال الصغار ينبغي طلب مشورة طبيب الأطفال، مع الاهتمام طبعا بكل العناصر الغذائية السليمة مثل الفواكه والخضراوات والبروتينات ومنتجات الألبان.. وأنا قد نشرت بالفعل مقال في صفحة المقالات عن تغذية الأطفال بعنوان كيف تتعامل مع طفلك البدين.

البليلة باللبن خال الدسم بدون سكر مفيدة جدا ومش ها تتخنك.