انا مبسوطة كتير انى بسال حضرتك يا دكتور عماد لانى واثقة ان هاستفيد من ارشادات  حضرتك، ورسالتى هى انى على طول وزنى مش مستقر، ومن اى حاجة اكلها اتخن حتى لو قطعة بسيطة. انا جربت انظمة كتير جدا، وساعات كنت بخس، مع العلم انى اخر مرة خسيت فيها ووصلت لوزن 70 كيلو وبعدها بطلت اى نظام، و كنت بحاول انى اققل بس من الاكل لكن مع ذلك وزنى زاد جدا، ولما كنت احاول انى اتبع نظام للريجيم كنت بفشل و ممكن ميجبش نتيجة معايا، بس اللى كنت بلاحظه باستمرار انى لما ابطل اى نظام بزيد بعدها على طول يعنى حتى مش على فترات متباعدة. و كنت دايما اسمع اراء تقول انى لما ابطل اى نظام للريجيم لازم اعمل نظام تثبيت و انا الان اقوم باتباع انظمة من الممكن ان تكون كيميائية لانى باكل الفاكهة فقط لمدة ايام، وكذلك الخضار والبطاطس المسلوقة، وزنى بدا ينخفض مرة اخرى، بس اللى انا متخوفة منه جدا هو انى بعد ما اوصل للوزن المناسب هل هارجع تانى للوزن اللى كنت عليه مرة اخرى؟ مع العلم ان ذلك يسبب لى الضيقة و يعرضنى للفشل فى اتباع اى نظام غذائى سليم، لذلك انا اتبع الانظمة الكيميائية حتى اشعر بالنتيجة، وفى نفس الوقت تدفعنى الى ان اكمل الريجيم، لكن ماذا بعد ذلك انا قلقة جدا.
ارجوك يا دكتور تنصحنى اعمل ايه؟

لخفض الوزن، والاستمرار على الوزن الجديد المرغوب، يجب أن تتبعي نظاما غذائيا يخفض وزنك ويعلمك كيف تأكلين في المستقبل. أي يجب أن يكون نظاما غذائيا متدرجا ومدروسا، ويقودك الى تغييرات سلوكية غذائية تلتزمي بها بصورة مستمرة، ويجب أن تختفي مقولة “بعد الانتهاء من الريجيم”.. فالريجيم السليم الصحي يجب أن يستمر بأسلوب غذائي مدى الحياة. ليس معنى هذا هو الحرمان، ولكن تبني السلوك الغذائي السليم والصحيح الذي يصاحب حياتك بالصحة والسعادة. لا أحبذ الانظمة الكيميائية لأنها غير صحية ولا تعلمك شيئا.