مساء الخير
حبيت اشكر حضرتك على معلومة قيمة حضرتك قلتهالى من حوالى سنة ومعرفتش قيمتها غير النهاردة.
انا كنت سألت حضرتك قبل كدة عن علاج الميزوثيرابى للشعر علشان الصلع الوراثى، وحضرتك قلتلى ليس له اى فائدة وانه فلوس على الفاضى.. وانا اليوم عرفت قيمة هذة المعلومة القيمة.
لان واحد صاحبى عمل حوالى 15 جلسة من جلسات الميزوثيرابى وكل جلسة ب 250 جنيه، ومحصلش اى فائدة نهائيا بعد لما دفع مبلغ 3750 جنية فى الجلسات.
شكرا جزيلا لان حضرتك حمتنى من انى اقع فى هذه المشاكل، وكمان حضرتك قلتلى قبل كدة انه بعد عمليات زرع الشعر بيأخذوا ادوية ودهانات للشعر علشان تحافظ على الشعر وان هذه الادوية تسبب ضعف الخصوبة وكبر صدر الرجل، وفعلا انا قرأت كثيرا على النت عمن حدث له مثل ذلك تماما.
شكرا جزيلا وانا مهما اشكر حضرتك لا يمكن هقدر اعطى حضرتك واحد على مليون من افضال حضرتك ومعلوماتك القيمة التى تفيد بها الناس.
شكرا.

أنا من يشكرك على اهتمامك بنشر هذه المعلومات لحماية الآخرين من اضرار مثل هذه الممارسات الطبية الخطرة والخاطئة وربما الزائفة أيضا.