عزيزى د / عماد
تحية طيبة و بعد
طبعاً قبل أى كلام باهنيك على موقعك الجميل و أشكرك على مجهودك الرائع
أنا عارفة وقت حضرتك ضيق بس عايزة آخد رأيك فى حاجة
أنا من أسيوط و متابعة مع دكتور تخسيس عندنا هنا بعد ما ولدت ابنى الثالث بشهرين و نصف
و كنت نزلت معاه من 89 : 80 كجم تقريباً فى أربعين يوم مع استخدام بعض الأدوية
ستار لين ، سنيلو ، أورلى ، أورليستات ، بلندى"بديل للسكر"، أقراص خلاصة الشاى الأخضر ، أقراص ثوم طبعاً كل الحاجات دى مش فى وقت واحد و لكن أغلبها كان مع بعضه و ده خلال الفترة المذكورة عاليه. بعض هذه الأدوية كما تعلم مذكور فى نشرتها الداخلية أن الحمل و الرضاعة من موانع استخدامها و لكن بسؤال طبيبى أخبرنى أنه لا يوجد بها ضرر حيث أنها لا تفرز باللبن و كلها تأثيرها يتركز فى العمل داخل معدتى أنا فقط .
آخر الأدوية التى وصفها لى حالياً بعد زيارة جديدة له ميرتى ، فاتوشى و لم أشترها لأن ميرتى عليه نفس التنبيه.
فما رأى حضرتك بأمانة و بصراحة هل طبيبى كلامه مضبوط أم أراعى تماماً التحذيرات المذكورة فى نشرة الدواء
** ملحوظة ابنى الصغير وزنه ضعيف شوية بالنسبة لإخوته الللى ما كنتش باخد حاجة خالص و أنا برضعهم و كمان شهيته للأكل و الرضاعة ضعيفة فهل لهذا علاقة بموضوعنا .
أرجو من حضرتك الرد مع خالص شكرى و تقديرى مقدماً

يا سيدتي لا أستطيع أن أعلق على عمل طبيب آخر.. أريد فقط أن أقول أن أسلوبي لا يعتمد على الأدوية اطلاقا. وملحوظتك عن شهية ابنك الصغير الضعيفة للأكل والرضاعة قد يكون سببها تسرب بعض العقاقير باللبن.