لو سمحت يادكتور
انا كنت تخين كان وزنى 150 كيلو وخسيت ووصلت الى 74  يعنى خسيت النصف وطولى 180 سم . اصبحت رفيع جداااااااا والحمد لله تخلصت من السمنه ومشاكله عملت ريجيم مع نفسى لمدة سنه وفقدت هذا الوزن اللعين والحمد لله تخلصت منه وتعلمت الاكل الصحى والطهى وغيرت عادتى الغذائيه الخاطئه واتعلمت وحاجات كتير مفيده للجسد لم اكن اعلم عنها شيئا وكنت بعيد عنها كل البعد.

فنصحنى اصدقاء للذهاب لطبيب لتثبيت وزنى قلت لهم ياجماعه مفيش تثبيت وفى ان الانسان يحافظ فى اكله مع الرياضه ويبذل مجهود زياده لو اكل كتير قالوا لى لازم تعمل تثبيت لانهم كانوا خسوا عند الطبيب وعملوا تثبيت عنده ومازادوش بعدها المهم رحت للطبيب اللى قالوا لى عليه مع العلم ان هو استاذ جامعه قالى نظام التثبيت 3 اشهر
هتقسم الاسبوع لقسمين 3 ايام تاكل فيها كل اللى انتى عاوزه و4 ايام دايت
قلت له هتخن لو اكلت كتير قالى ال 4 الدايت هيبظوا زيادة الوزن ويرجعوك لوزنك
قلت الغرضه من كده ايه قالى بنرفع معدل الاحتراق الداخلى للدهون لاعلى درجه
قلت له وبعد 3 اشهر  قالى معدل الحرق هيكون عندك اصبح عالى وتقدر تاكل اللى انتى عاوزه بس قلل السكريات وامشى 3 مرات فى الاسبوع

سالت اصحابى اللى ثبتوا قالوا فعلا عملنا كده وبقينا بناكل ومش بنتخن وقالوا بياكلوا كتير
جيت فتحت النت بحثت عن نظام التثبيت دل لقيته موجود بس عليه اختلاف من اطباء يتايد واطباء بترفض. ومن ضمن صفحات البحث اللى طلعت لى موقع حضرتك وانت بترد فى استشاره وبتنفى وجود حاجه اسمها نظام التثبيت.  سؤال لى ياريت حضرتك تشرح لى سبب رفض حضرتك للنظام دا اريد ان استفيد بمعلومه من حضرتك وما سبب رفض حضرتك لتلك الفكره بما ان حاضرتك من معارضى النظام وايه فى وجهة نظر حضرتك الطريقه المثلى فى الحفاظ على الوزن هل هى المحافظه فى الاكل. سوال كمان الموقع اللى حضرتك وضعه للسعرات سعراته مظبوطه لانه معطى للمكرونه والارز سعرات بسيطه ال 150 جرام تقريبا 200 سعر لو الكلام دا صحيح يبقى جميل اووووووووووووى
وفى النهايه اسف على الاطاله وبحى حضرتك على الموقع الجميل والمقالات الجميله من ساعة ماطلعى لى الموقع فى صفحات البحث وانا دخلت وانا فيه من بقالى 8 ساعات مش عاوز اقوم من متعة المقالات
كويس جداااااااا انى لاقيت موقع عربى زى كده بجد شكرا لحضرتك
واسمح لى اكون من زوار موقع حضرتك
واسف مره تانيه للاطاله وياريت تجاوبنى على اسئلتى

——————————————————————————-

التثبيت في العقل وليس في نظام حرق السعرات الذي ذكرت أن الطبيب أعطاه لك. الالتزام بنوعية وكمية وطريقة طهي الطعام هو التثبيت الحقيقي، وغير ذلك غير علمي.

4 ملاعق أرز كبيرة تحتوي على 210 سعرا، ومثلها تقريبا 6 ملاعق مكرونة، وأي أرقام غير هذه قد تكون أخطاء مطبعية ان وجدت.

يسعدني وجودك في موقعنا دائما.