لو سمحت يادكتور عملت ريجيم لمدة 10 شهور كان وزنى 143 والان صار 75 كيلو
وطولى 180 سم
ودا الرجيم اللى عملت  بدون لجوء الى طبيب وكنت بمارس معه المشى لمدة ساعه يوميا وفى اخر 4 شهور اصبحوا ساعتين منفصلتين
الفطار  ثمرتين او ثلاثه  فاكهه متنوعه
الغداء  سلطه خضراء او خضار مسلوق+ 250 جرام من اى بروتين حيوانى صافى خالى الدهن(لحم-فراخ- سمك-تونه)
العشاء  سلطه خضار + زبادى او جبنة قريش
وكنت اتناول المشربات باللبن خالى الدسم والسكر الصناعى
وفيتامين سوبر قيت يوميا مع الفطار
المشكلة الان يادكتور لما توقفت عن الرجيم فقدت احساسى الشبع لما اجى اكل مش بحس ان معدتى بتعطينى اشاره بالشبع يعنى ممكن اكل الى مالانهايه وبتكلم جد مفيش احساس بالشبع فعلا باكل اكل كتير ومش بشبع
بخلص كل الاكل اللى امامى ولو فيه ممكن اكل كمان بجد مفيش احساس بالشبع خالص
وبكل كتير جدا اكتر من ما كنت باكل وانا تخين ومقابل ذلك الاكل رحت جيم بلعب حديد وبجرى علشان احرق كمية الاكل دى واحافظ على الوزن اللى وصلت له
الواحد فعلا تعب علشان  يوصل للوزن دا واريد انا احافظ عليه
فقدى للاحساس الشبع دا من ايه يادكتور هل عندى خلل فى شئ
وشكرا

ما تمر به الان هو بسبب ريجيم الهواة الذي فرحت به لانه خفض وزنك ولكنه تركك للمجهول.. واربك مشاعر الشبع لديك.. ولم يتطور بصورة طبيعية حتى تعود لمستويات غذائية صحية ومتكاملة تحافظ على ما حققته. وتشبه من القى بنفسه من الدور العاشر بمبنى واعتقد انه يطير مثل الطائرة لكنه لن يعرف كيف يهبط بصورة سليمة مثل الطائرة.. فيرتطم بالارض. أدعوك لزيارتي بالعيادة لكي نصلح ما أفسده الريجيم الذي فرحت به مؤقتا ثم تعاني من نتائجه الان وستعاني مستقبلا ما لم يتدخل الطبيب.