انا بعتذر عن كل حاجة ممكن أقولها وتضايقك بس انا بكتب وعرفه ان مفيش امل فى علاجى  بس ده احساسى بجد ومش عرفة اعمل ايه,انا عارفة ان وزنى مش زايد اوى بس انا مشكلتى انى طول عمرى كنت سمينة ومفكرتش اعمل ريجيم واخس الا فى اولى جامعه ومن ساعتها ذهبت لمعظم مشاهير الدكاترة مش عرفة ممكن اذكر اسمائهم ولا لا المهم تابعت اول مرة خالص عند دكتور مشهور الله يسامحه كنت بتابع بالظبط وبحرم نفسى وعمرى ما لخبطت حتى اكتشفت انه كان بيخدعنى فى الميزان فرق 10 ك كان يقولى وزنى 67 واكتشفت انى 77 على اى ميزان تانى ومن ساعتها جالى احباط واكتئاب وفكيت الريجيم وبدأت أكل أكتر من الاول وحبيت الاكل الى مكنتش بحبه ولا باكله وباكل بشراهة فظيعة وبعدها تخنت تانى وبعدها روحت لدكاترة كتيروكنت بصرف كل فلوسى عليهم لكن مش عرفه العيب كان فيهم ولا فيا مبقتش عندى ارادة زى اول مرة وبقيت بضعف ومش بكمل للاخر لما الاقى مشكلتى الاساسية مبتتحلش وهى الجناب والارداف والسليوليت الى دمرلى نفسيتى وكرهنى فى نفسى ومكنش عندى بطن بقى عندى ومترهلة كمان وعندى الكولون عصبى جدا وبقيت عصبية وعنفوانية جدا على اهلى واقرب الناس ليا وبعد ما اتعصب ضميرى بيأنبنى اوى بس مش عرفه اسيطر على نفسى علاطول عندى اكتئاب وعمرى ما اكلت حاجة واستمتعت بها وكان لها طعم وعلى الرغم من كده مش ببطل تفكير فى الاكل ودلوقتى باكل كل حاجة نفسى فيها بس مفيش حاجة لها طعم وانا مخطوبة وده مأثر برده على تعاملى مع خطيبى بطريقة عصبية وكمان مش عاوزة اتجوز عشان كده انا حاسة انى مش هعرف اسعده عشان انا مبحسش بالسعادة اصلا وفكرت كتير اعمل عمليات بس اترددت عشان كل الفلوس الى صرفتها كانت من غير نتيجة حتى عملت وجربت اجهزة كتير وطلع كله كدب فى كدبهوني عليك يا جيجي.. الدنيا ليست فقط طعام وشراب ورشاقة أو وزن زائد.. كوني سعيدة حتى لو كان وزنك زائدا.. فالحياة تعاش مرة واحدة.. الاكتئاب قد يكون نتيجة السمنة، وقد يكون سببها.. عندما يمنعك من العلاج ويفقدك الأمل فيه.. شرفينا في العيادة لنرى ماذا يمكننا أن نفعل لك.