الزبادي – سارة من بيروت

سلام دكتور عماد، يا رب تكون بصحة جيدة، أكيد إنت بصحة جيدة ما إنت دكتور تغذية ههههه 🙂
أنا كنت سألتك على إنتفاخ البطن وإنت قلتلي إنه جربي توقفي الحليب ومشتقاته، وأنا عملت كدة فعلاً بس بشرب كوب قهوة بالحليب مرة في الأسبوع، وبطني أشكر ربنا وأشكرك كتير مرتاحة دلوقتي، أنا كنت عايزة أسأل عن الزبادي أن بحب الزبادي أوي وخاصة في مشروب هنا في لبنان إسمه لبن عيران وهو مالح شوية، بس حسيت بطني نزلت أوي مع العلم إنه أنا والدة من 5 شهور وكانت بطني كبيرة أوي، هل الزبادي أو اللبن العيران لهم علاقة بتنحيف البطن، ومعلش وجعتلك دماغك ربنا يديك صبر من عنده، وفي حاجة حلوة أوي كمان حصلت معايا أخيرا أقنعت جوزي إنه ميشربش حاجة على الأكل وكمان كرشه نزل شوية، ربنا يباركك ومنتظرة ردك.

شكرا على كلماتك الرقيقة. الزبادي ولبن عيران بالفعل لهم تأثير في خفض دهون البطن، ويمكن تناولهما دون قلق.. أنا سعيد بأخبار زوجك كمان. والزبادي من مشتقات اللبن الوحيد الذي نسمح به في مثل حالتك.