السلام عليكم ورحمة الله وبركاته
ازيك يا دكتور
بجد انا عاوزة اشكر حضرتك مرة تانية على اهتمامك باسإلتنا
ومعلش هتعب حضرتك تاني
الوقتي انا واقعة في مشكلة انا بعمل ريجيم وجالي امساك لما استمريت على الريجيم بس كانت الحكاية بتتحل
بس الايام دي بقالي حوالي اسبوعين وشوية جالي امساك تاني وحتى لما بحاول في التواليت بعمل كمية صغيرة جدا جدا جدا ومش بعرف اكمل على الرغم من اني ببقى عاوزة اعمل ناتي ودا تقريبا كل 3 او 4 ايام وبحس ان بطني مليانة اكل متخزن فيها ومش بيطلع وبعدين اخدت من الصيدلية ملين واهلي بيمدحوا في انة بينضف البطن تماما واسمة ديولاكس وبرضو نفس الحكاية عملت بس كمية صغيرة جدا وبطني حاسة انها مليانة برضو وبحس اني عاوزة ادخل التواليت بس مش بقدر اعمل  وكل حاجة عملتها يانسون لبن بارد على الريق شرب مية كتير سلطة و خضار وفاكهة انا مش عارفة اعمل اية وكمان اللي خوفني اكتر قريت على النت انها بواسير وانها بتعمل انسداد
انا بجد خايفة اوي مش عارفة اعمل ايه وهل دي ممكن معالجتها طبيعي ولا لازم دكتور متخصص وجراحة وكدة  وهل دي اصلا بواسير ولا لا

يجب فحصك طبيا في العيادة لكي نتمكن من الاجابة على هذه الاسئلة. لكن من الممكن الاشارة الى بعض الأخطاء التي ترتكبينها وتضرك وأنت تعتقدين أنك تساعدين بها نفسك. على سبيل المثال اللبن الحليب غني بالكالسيوم وهذا يساعد على الامساك وليس علاجه كما تعتقدين. حتى الملين الذي أخذتيه من الصيدلية واضح أنك أخذتيه بنصيحة من الصيدلي ولم تذكري نصيحة طبيب. والبواسير تشخص بالاعراض والكشف الطبي ولا تشخص بالتهيؤات.