صباح الخير دكتور عماد انا بنت اسمى هاله 29 سنة من اسكندرية وزنى 125كج و طولى175سم انا مشكلتى انى عانيت كتيرمن السمنة فهى مشكلة مصاحبانى منذ الطفولة نتيجة عادات غذائية خاطئة وظروف نفسية و اجتماعية و حاولت كتير مع نفسى للتخسيس مرة باللجوء الى دكاترة تغذية و القايم برجيمات عادية ومرة رجيمات كيميائية و مرةابر صينية و مرة بالرياضة و المشى و استخدام الاجهزة الرياضية و مرةباللجوء لادوية التخسيس و الاعشاب و كنت كل ماسمع ان فى برشام جديد نزل بيساعد على التخسيس كنت بجيبه سواءكان بيحسس بالشبع او بيساعد على عدم امتصاص الدهون من الاكل و اختزانها فى الجسم حتى برنامج الرابح الاكبر قدمت فيه و نجحت لحد المرحلة التالتة من الاختبار لكن ماحصلش نصيب بعد كدة يعنى جربت تقريبا كل حاجةومش مستعدة اجرب العمليات الجراحية من تدبيس او حزام معدة لانى افضل اعيش بصحتى احسن بدل ماكون سمينة وكمان مريضة و اتألم نتيجة مضاعفات اى جراحة لذلك يا دكتور انا مش ادامى غير حل واحد على حد تفكيرى وهو انى اقيم بمنتجع صحى للسمنة يكون به نظام حياة مختلف تماما من نظام غذائى و رياضة و غيره و هو دة سؤالى فياريت اذا عند حضرتك فكرة عن منتجع صحى للسمنة عندنا فى مصر او حتى فى اى دولة عربية تقولى عليها لان الموضوع دة مسببلى مشكلة كبيرة طابعا اكبر من اى حد لان بغض النظر عن الاكتئاب المتوقع طبيعى من السمنة فأنا شبه انقطعت علاقتى بالعالم الخارجى مابقتش بخرج خالص من البيت و فكرت فى وقت من الاوقات فى الانتحار لكن الحمدلله ادركت انه كفر وعدلت عن الفكرة دى تماما و كان فى بداية احساسى بالازمة دى فكرت انى اكل سكر كتير على اعتبار انى كنت فهمة ان مرض السكر بيخسس تلقائى لكن ربنا سترها معاية بردو و عرفت بدرى انه مش صحيح هههههههه ولله ربنا واقف معاية كتير مش كدة بردو يا دوك؟ بجد انا مشفقة على حضرتك من كم الرسائل و ماتحتويه من غرائب و طرائف هههههه و ارجو سرعة الرد و لك منى جزيل الشكر اه كنت هنسى يا دكتور حاليا انا ماشية على سيبوترم 15 و ريجيتريم 15 باخد قرص من كل نوع مع بعض كل كام يوم و احيانا واحد من دة و واحد من دةبالتبادل كل يوم فهل دة له اثار جانبية؟ مع العلم انى سمعت انهم بيجيبوا اكتئاب لكن معاية انا بيجيب رضا و سعادة رهيبة بحكم انه بيساعدنى على الشعور بالشبع احياناو شكرا
للأسف ليس لدينا نظام مصحة علاج السمنة.. لكني أعتقد أني يمكننى مساعدتك من خلال عيادتي بالجيزة أو العيادة الالكترونية.
وأنت للأسف ترتكبين خطأ جسيما بتناول السيبوترم 15 والريجيتريم 15 في آن واحد حيث انهما مادة فعالة واحدة وان اختلفت الاسماء التجارية.. ولهذه المادة أثر جانبي في زيادة ضغط الدم والعصبية والانفعال. ومعنى هذا أنك تأخذين ضعف الجرعة المسموح بها.. لذا يجب عليك الحذر.