الريجيم والنقرس – رفعت

لو سمحت يا دكتور
انا قبل ما ابدأ فى الريجيم عملت تحليل لليوريك اسيد فى الدم وطلعت النتيجة ( 5 ) وقالى طبيب التحاليل انها طبيعية لان النسبة الطبيعية هى التى لا تتجاوز 7 ….
فبدأت الريجيم وهو كان عبارة عن
الفطار :- 4 معالق فول + نصف رغيف + بيضة مسلوقة +  سلطة
الغداء :- ربع فرخة بدون جلد + طبق خضار نى فى نى + فنجان ارز + سلطة
العشاء :- علبة تونة خالية من الزيت
وبين الوجبة والاخرى ثمرة فاكهة
وبعد مدة من الريجيم وتحديدا امبارح عملت تحليل يوريك اسيد فلقيت النسبة عالية ( 8.2 )
فقررت عملها فى معمل اخر فوجدتها ( 6 ) وقالى الطبيب ان نسبة 6 طبيعى وكدة انت لا تعانى من مرض النقرس ….
فدلوقتى انا مش عارف اتصرف ازاى هل امتنع عن تناول الفول والفراخ والتونة … ام انى سليم والتحليل الاول خطأ …. وكيف اعرف
انا اسف يا دكتور على الاطالة …. بس ياريت يا دكتور حضرتك تعطينى رأيك
لانى بجد محتار ومش عارف اعمل  ايه
وشكرا جزيلا

مرض النقرس له أعراض لو عانيت منها لعرفته.. فلا توسوس ولا تدخل نفسك في دوامة بدون داع. النقرس مرض يصيب المفاصل وبالذات مفصل أصبع القدم الكبير بآلام صعبة.. ونسبة اليوريك أسيد تتغير بين تحليل وآخر فلا تقلق.