احب ان احيى حضرتك يادكتور عماد على مجهودك الرائع واتمنى لك المزيد من التوفيق انشاء الله لديه عدة اسئله بعد اذنك ورجاءً من سيادتكم التفضل بالرد

اولاً /انا متزوجه وعمرى 31 سنه وعندى طفل 4 سنوات. المهم انا وزنى من فتره كان 95 كيلو وطولى 168 سم ، وقمت بعمل ريجيم لحد ماوصل وزنى الأن الى 80 كيلو . مازلت مستمره على الرجيم لأنى نفس اوصل لحد 75 كيلو ولكن وزنى ثابت ولم يتحرك منذ شهر على الرغم من انى بمشى كل يوم من محطة الملك الصالح لحد نفق الهرم فنفسى اعرف ماالعمل وهل هناك ادويه تزيد من معدل الحرق

ثانياً/ الميزان الديجيتال انا اشتريته وماركه المانى بس بالقى فيه حاجه غريبه ممكن اوزن مثلاُ 80.2 ك وبعدها بدقايق القى 80.5 فمش عارفه ده سليم ولا ايه ولا ده طبيعىوياريت تنصحنى برجيم ينزل ال5 كيلو دول

ثالثاً/ عايزه اعرف كيفية تثبيت الوزن هل فعلا فى ابر صينيه لهذا الغرض ولا ادويه ولا برده اكل برجاء الأفاده والرد وربنا يكرمك ويوفقك

-برافو عليكي انك نزلتي 15 كيلوجرام.. ولا توجد أدوية تزيد من معدل الحرق.

-الميزان الديجيتال دقيق، لكن يجب ألا تتحركي وأنت عليه، كما يجب أن تقفي في نفس الموقع كل مرة.

-الابر الصينية تساعد على التحكم في الشهية فتساعدك على الالتزام بالنظام الغذائي الطبيعي.