اهلا وسهلا دكتورنا الغالي:
الحقيقه انا في منتهى السعاده لاني قدرت اخيرا ان أصل الى ما اصبو اليه
انا يا دكتور عماد مريضة اسمي ايناس عمري 33 سنه ووزني الان 67 كيلو وطولي 165 لكن يا دكتور انا عملت رجيم من ثلاث اشهر بطلوع الروح نزلت 8 كيلو في رمضان وانا كل يوم بمشي تقريا ساعه وساعه نصف ساعه ومشكلتي مش عارفه اثبت على وزني بسببين
1:انا للاسف الشديد بعشق الشكولاته والحلويات الغربيه يعني الكيك ومهما احاول امسك نفسي الفتره الي قبل البيريود مستحيل اسيطر على حالي الساعه 4 الظهر اقوم من النوم ومخي مقفول عندي استعداد اكل بدون توقف نهائي 20 شكولاته
2- يعني مبعرفش اسيطر على طلب جسمي للحلو وبالذات اني عصبيه جدا فا دي بتريحني شويه
يا دكتور انا باخد هاي كروم حوالي 6 في اليوم وباخد الصبح دايت فاست وابتديت في دوا بتاع السكر ده الي ذكروة بس بيقلب معدتي جدا
وكمان انا الدكتور واصفلي بروزاك للاكتائاب لاني مريت بظروف شويه محزنه
يا دكتور قولي اعمل ايه في موضوع الحلو ده واعتقد اني لو مشيت 15 ساعه مش ححرق 3 شكولاتات
وحضرتك قولت العسل الابيض برضه بيتخن وكمان انا الفواكه مش بتشبع رغبتي في السكر وللاسف الشديد بعد السكر باكل حوادق نفس الحكايا اقدر ما اكل رز ولا مكرونه ولا اي دسم ومفيش مشاكل الا فتره قبل البيريود وعلى فكره جسمي من كتر ما بتخن واخس ترهل من منطقه الفخاد والذراعين والحكايه دي مضايقاني جدا.
يا ريت تقدر تساعدني أنا مش عايشة في مصر، أنا في الامارات.
يا ايناس .. انتي عاوزة تسمعي الكلام اللي يريحك ولا الكلام المفيد؟
حل مشكلة الشوكولاتة سهل جدا.. فانت تشتاقين للمواد الفعالة في الكاكاو المصنوع منه الشوكولاتة وليس السكر.. لذا أنصحك بتناول الشوكولاتة المحلاة بالسكر الصناعي.. خلاص؟
عندما تكوني عصبية تناولي بعض حبات الجوز (عين الجمل) فهي غنينة بالتربتوفان الذي يحوله جسمك الى مادة السيروتونين الذي يهدئك ويحميك من الاكتئاب وبالتالي لن تحتاجي الى بروزاك..
6 حبات هاي كروم كثير جدا .. ولا أنصحك بذلك.. يكفيك حبة واحدة يوميا.. وبلاش الدوا بتاع السكر (غالبا أنت تتعاطين الجلوكوفاج) فجسمك لا يحتاجه في حالتك.
حاولي تنفيذ نصائحي مع التمتع بقوة الارادة .. وقاومي شوية حكاية الحلويات .. واهتمي بالفاكهة أكثر.