بسم الله الرحمن الرحيم
السلام عليكم دكتور عماد
انا كنت متابعه ارشادات حضرتك والحمد لله وصلت للوزن اللي انا كنت عايزاه وبنصائح حضرتك الحمد لله لسه
محافظه عليه بقالي حوالي 8 شهور، بس انا كنت عايزه اسأل حضرتك عن حاجه:
انا الحمد لله حامل بقالي شهر وكان نفسي حضرتك تديني نصائح بالنسبه لطريقه التغذيه اللي ما ترجعنيش اتخن تاني وفي نفس الوقت ما اضرش الجنين. وسؤال كمان انا المفروض اشرب لبن يوميا فهل اللبن القليل الدسم هيضره؟
وشكرا يا دكتور
أنا سعيد برسالتك وبالنتيجة اللي حققتيها واستمرارك لمدة 8 شهور.. علشان خاطرك هأنشر في الرد عليكي نموذج لنظام غذائي للحامل، مع العمل أن اللبن خال الدسم مفيد لك وغير ضار بالجنين اطلاقا، لاحتوائه على الكالسيوم والبروتين .. بينما لا ينقصه الا الدهون.
غذاء الحامل
الإفطار:
كوب لبن.
بيضة واحد مسلوقة أو قطعة جبن.
نصف رغيف خبز أسمر.
شاى أو مشروب ساخن.
بعد 3 ساعات:
ثمرة واحدة من التفاح أو الكمثرى أو البرتقال.
الغداء:
250 جراماً من اللحوم الحمراء أو الأسماك أو الطيور أو الكبد أو الكلاوى.
نصف كوب من الأرز الناضج المطبوخ أو البطاطس أو المكرونة أو اللازانيا.
250 جراماً من السبانخ المطبوخة أو الكرنب المسلوق.
سلطة طازجة تتكون من (خس، خيار، طماطم، فلفل أخضر أو أحمر).
بعد 3 ساعات
كوب لبن. ثمرة واحدة من المانجو أو الخوخ أو 2 شريحة بطيخ
العشاء:
كوب واحد من اللبن الرائب أو الزبادى أو 30 جراماً من الجبن مع ربع رغيف أسمر.
كمية كبيرة من السلطة الخضراء الطازجة.