عاجل – نورهان

السلام عليكم

أتمنى أن تجد لى يا دكتور حلا لمشكلتى .

انا آنسة 26 سنة طولى 167 سم ومشكلتى وزنى .هو مش كتير اوى لكن شكلى مش عاجبنى المهم وزنى الآن 66 كيلو جرام . المشكلة هى انى من فوق رفيعة ويعتبر ثلاثة ارباع وزنى فى نصف جسمى الأسفل منطقة ما بعد الوسط حتى أعلى الركبتين . انا ذهبت من قبل لدكتور تغذية وخصوصا إنى كنت بعانى من أنيميا شديدة نظرا لقلة اكلى حتى لا أصاب بالسمنة ومع الريجيم والاكل المخصص لفقدان الوزن وتحسين الصحة فى نفس الوقت خسيت حوالى سبعة كيلو حيث كان وزنى عندما ذهبت للدكتور 73 كيلو جرام وخسيت معاه 7 كيلو وتحسنت حالتى الصحية بسبب العلاج اللى باخده . وطبعا انا كان وزنى زايد اوى كدة بسبب انى كنت باكل حلويات او اى شىء يعطينى إحساس بالدفء فى الشتاء بسبب الانيميا.

لكن المشكلة ان يظل جسمى فى المنطقة المذكورة أعلاه بنفس الشكل بيخس من فوق اوى ومن تحت خس أيضا لكن نفس المشكلة . انا نفسى ألبس بنطلون جينز من غير ما اكون مكسوفة من منظرى . لما بكون لابسة هدوم عادية الناس بتضحك عليا لما بقول لهم انا عاملة ريجيم لانى مش باين عليا انى تخينة ولانى بلبس لبس بيدارى منطقة العيب اللى عندى .

الدكتور اللى روحت له قال لى ان عندى حاجة اسمها تشحم يعنى جسمى عامل زى السمبوسك وطبعا بعد ثلاثة شهور من الريجيم زهقت لان جسمى نزل السبعة كيلو فى اول شهر وبعد كدة كنت ممكن اروح زايدة للدكتور او خاسة على الاقل نصف كيلو فقط . طلب منى الدكتور اعمل تحاليل للغدد الصماء والحمد لله طلعت النتيجة كويسة ولكن النسبة عندى قريبة من الحد الأدنى فى نتيجة التحليل.

والمشكلة كمان إنى فى اسبوع واحد ممكن أخس 4 كيلو وبعد ثلاثة أيام أرجعهم تانى أو ممكن أرجع أكتر منهم.

جربت كمان الرياضة لكن بسبب شغلى مش بقدر أواظب عليها . على فكرة أنا بشتغل فى مكتب يعنى قاعدة حوالى 8 ساعات يوميا بس بحاول امشى كتير لكن برده لما بخس بيخس منطقة جمبى أو الارداف اما الفخذين مش بيبان عليهم حاجة إلا بسيط جدا.

أرجوك يا دكتور شوف لى اى علاج ضرورى لانى بكدة اعتقد مهما عملت ريجيم المنطقة دى مش حتخس . حضرتك تنصحنى بإيه ؟ حيث اننى مقبلة على الزواج إن شاء الله قريب ومش عارفة أعمل ايه؟ونفسى يكون جسمى كله متناسق ورشيق.

على فكرة مقاسات الرسغين صغيرة جدا وكذلك الصدر و أعلى مشط الرجل .

وشكرا لحضرتك واتمنى الرد سريعا وآسفة للإطالة .

يجب أن تعرفي أن شكل جسمك له صلة قوة بعامل الوراثة في أسرتك .. قطعا جسمك يشبه جسم والدتك أو عماتك من حيث تركيز الوزن الزائد في الجزء الأسفل من الجسم. وهذه لا حيلة لك ولا للطب بها اللهم الا بالرياضة التي قد تساعد على تحسين شكل جسمك بنسبة معينة.

لكن يجب أن تعرفي يا آنستي أن الهورمونات الأنثوية هي المسئولة عن توزيع الدهون في الجزء الأسفل من جسم الإناث، وهذه حقيقة يجب أن تقبليها بفرح.. ونظرة الى الاستشارة السابقة لهذه الاستشارة تجدين فيها أخت لك تعمل على استعادة مافقدته من وزن في الجزء الأسفل من جسدها والذي كانت تصفه بالجميل عندما كان ممتلئا.

والريجيم دون اشراف يقود بالقطع للاصابة بأمراض سوء التغذية ومنها الانيميا التي قلتي أنك أصبتي بها.. كما أن أكل الحلويات ليس هو البديل لعلاج الأنيميا.

وبالرغم من ذهابك لطبيب الا أنك فضلت استشارتي على النت عن طريق لعلاج ما تعانين منه الآن وهو ما أشعرني بمسئولية تجاهك.. ولعلني أحسد هذا الطبيب وأتمنى أن تتاح لي مثله فرصة مقابلتك وتوقيع الفحوص الطبيبة اللازمة لكي أستطيع معرفة كل تفاصيل حالتك حتى تأتي نصيحتي فاعلة قدر الامكان.