شكرا يادكتور عماد – مونيكا

أولا ياريت تكون فاكرني يا دكتور عماد أنا مونيكا

أنا بابعت أشكر حضرتك بشدة أنا و ماما لأن حضرتك نصحتني كتير و أنا تعبتك معايا كتير

أحب أطمن حضرتك أنا عملت أشعة بالباريوم على القولون و الحمدلله طلع سليم 100% و المشكلة بس مجرد قولون عصبي.

و بالنسبة للترهلات اللي عندي فأنا دورت في الاستشارات و لو فضلت أشكر حضرتك من هنا لبكرة مش هاقدر أوفيك خصوصا لما قرأت الاستشارة دي ونفذت اللي فيها

http://www.emadsobhi.com/viewtopic.php?t=130

والجلد فعلا بدأ يتشد ويبقى سليم بالكريم و الفيتامينات بس توقف عند حد معين … في باقي الاستشارة دي حضرتك ذكرت :

“ومن المهم معرفة ان العلاج بالليزر منخفض الطاقة يساعد على شد الجلد بدون جراحة حيث أنه ينمي مادة الكولاجين تحت الجلد مما يساعد على شده “

فلو فعلا هيبقى نتيجته كويسة ياريت تقوللي مواعيد استخدام الليزر في العيادة بتاعت حضرتك عشان اجي أزورك أنا وماما

ومرة تانية باشكرك بشدة لسعة صدرك و باتمنى لحضرتك مزيد من التوفيق و ربنا يبارك حضرتك

أشكرك من أجل رسالتك الرقيقة، وأنا سعيد بالتقدم الذي حققتيه. وبالنسبة لليزر نحن نمارسه يوميا ويمكنك الاتصال بارقام تليفونات العيادة لمعرفة التفاصيل وترتيب الحجز.