تثبيت الوزن – شيماء

بسم الله الرحمن الرحيم

السلام عليكم يا دكتور عماد والله انا بالصدفه فتحت الموقع بتاع حضرتك وعجبني جدا وبستأذن حضرتك اني اسألك سؤال

انا الحمد لله مش مليانه اوي انا طولي 160 سم وكان وزني بيتأرجح ما بين 62 و64 كيلو لكن بعد الزواج زاد بقي 72 كيلو لكن الحمد لله قدرت انزله دلوقتي ل65 كيلوا تاني وفي طريقي عشان يبقي 60 كيلو ان شاء الله لكن المشكله الوحيده اللي بفكر فيها اني بعد ما اوصل للوزن اللي انا عايزاه لو فضلت علي نفس النظام هفضل اخس ولو رجعت زي الاول هرجع ازيد فسؤالي هو

ازاي اثبت وزني ؟

وشكرا لسعه صدرك مع العلم اني متبعه نظام غزائي هو فطار: بيضه او جبنه قريش او تونه بالملح الي جانب خس او خيار او كرنب وبشرب اي حاجه بدون سكر او لبن الغذاء: ربع كيلوا لحم بدون دهن مع الخيار او صدر فرخه او سمك مسلوق

أشكر كلماتك الرقيقة وأرحب بك في موقعنا.

هناك غذاء يزيد الوزن، وغذاء يخفض الوزن .. وما بينهما يثبت الوزن .. بمعنى أنه بعد أن تصلي الى الوزن الذي تريدينه يمكنك أن تسترخي قليلا فيما تأكلين .. وخير الأمور الوسط ..

النصيحة العامة للاستمرار في الوزن المثالي هو أن تأكلي الأغذية الطبيعية مثل الخضراوات والفواكه واللحوم والحبوب ومنتجات الألبان خالية الدسم، مع الابتعاد الكامل عن الأغذية المصنوعة وأولها الحلويات والسكريات والمشروبات الغذائية المسكرة. مع مراعاة وزن نفسك باستمرار والتخلص من الزيادة أولا بأول.