هاي دكتور عماد
انا قريت في اخر استشاره جاءت لحضرتك حاجة غريبه اوي
ازاي يا دكتور ان لو الكاكاو اتشرب بدون سكر او بمحلي صناعي لا يزيد الوزن اذا كان الكاكاو اصلا حتي لو تم شربه ساده، هو اساسا داخل في مكوناته الشيكولاته والسكر
بليز انا فعلا عايزه اعرف
وهل يا تري لو الفلفل تم سلقه يزيد مؤشره السكري زي الجزر كده؟
وهل فعلا ان ممكن كتر شرب الكافيين يخلي الوش اكبر من الجسم؟
اخر سؤال بأه
هل لو انا بعمل ريجيم وباكل 3 مرات بس في اليوم اي دون اي فاكهه او خضروات ما بين الوجبات
افقد من وزني ولا 3 وجبات متوازنه طبعا طبقا للريجيم ممكن تزيد الوزن اوعلي الاقل ينزل ببطء علشان من غير اي حاجه بين الوجبات؟
اسفه اني طولت عليك
ميرسي بجد
سبب استغرابك هو اختلافنا في تعريف الكاكاو .. في نظري أنا الكاكاو هو البودرة التي تتميز بالمرارة ولها طعم الشوكولاتة .. وعندما يضاف اليها السكر والدهون المختلفة تصبح شوكولاته.. فالكاكاو اذن من مكونات الشوكولاتة وليست الشوكولاتة من مكونات الكاكاو .. ونبات الكاكاو هو حبات مرة المذاق ومنها يصنع الكاكاو وتصنع الشوكولاتة ..
الخلاصة أن الكاكاو الذي أتكلم عنه هو بودرة تتميز بالمذاق المر ويجب اضافة اللبن والسكر الصناعي لكي تستساغ. وبودرة الكاكاو مؤشرها السكري منعدم .
الفلفل مؤشره السكري 10 ولا يتأثر بالسلق وليس مثل الجزر.
والكافيين لا يؤثر على حجم الوجه .. والفكرة غريبة للغاية.
المقصود بالخضار والفواكه وسط وجبات الريجيم هو عدم الاحساس بالجوع حيث أن الجوع يدفع الجسم لافراز هورمون الكورتيزول مما يزيد من التوتر ويؤدي الى تراكم الدهون في منطقة البطن.