من ساعة ما بدأت الريجيم وأنا بخس في الاسبوع بمتوسط 4 كجم وزنت نفسي الاسبوع الحالي لقيت نفسي خسيت 2 كجم بس مش عارفة اعمل ايه مع اني لم اقصر وماشية كويس أوي وفي خلال ثلاث شهور نزلت من 135 كجم الى 111 كجم فقط مفيش جاحة تخسسني اسرع من كده انا عارفة ان حضرتك هتقولي كده كويس لا مش كويس وقل لي اعمل ايه
اسفة اني بزعجك لكن انا فعلاً في مشكلة ولو كنت نزلت وزني لوحدي بدون طبيب ابقى كدابة لان استشاراتك ومقالاتك كانت عامل مهم لى اشكرك يا دكتور بس قل لي اعمل ايه في نفسي
أنا كنت ناوي أرد عليك وأقول كده كويس .. لكن بعد ما قريت رأيك قررت أسكت .. وخصوصا أنك صادرتي على رأيي .. وبالتالي أنا مش عارف أقول لك ايه؟
المهم ان نزول الوزن بمعدل 2 كيلوجرام بالاسبوع يعتبر معدل طيب جدا .. بل وأذهب الى أبعد من ذلك فأقول أن نصف كيلوجرام اسبوعيا يعتبر نزولا مرضيا عند الجهات الطبية المسئولة..
ليس المهم هو عدد الكيلوجرامات اسبوعيا ، ولكن المهم هو الاستمرار .. حتى لو ببطء ولكن باستمرار.. وثقة.