الأرشيف

يوميات طبيب تخسيس

وقف “سعيد” أمام عربة الفول وقت الصباح الباكر، وصاح في “عم شعبان”: "واحد فول بالزيت الحار”.. لم يكد “سعيد” يتم كلمته حتى كان طبق الفول الشهي قد وضع أمامه، ومعه بصل أخضر وفلفل حار، ورغيفين من الخبز الطازج.. التهم “سعيد” الطبق بسرعة البرق، وعاود الصياح في “عم شعبان”: “واحد كمان يا عم شعبان.. بسرعة قبل البطن ما تغضب!”

تـتـمـة يوميات طبيب تخسيس – قبل البطن ما تغضب!

talking to ear هي: أنا خايفة قوي من الليزر دا يا دكتور

أنا: وخايفة منه ليه؟

هي: علشان قالولي انه خطر على الصحة

أنا: مين اللي قال كده؟

هي: مدرس الانجليزي بتاع بنتي

تـتـمـة يوميات طبيب تخسيس – قالولوا (7)

هي: يا دكتور.. أنا بأه عاوزاك تثبت وزني.

أنا: يعني ايه؟

هي: يعني تعمل لي تثبيت علشان ما اتخنش تاني.

أنا: التثبيت معناه إن اللي اتعلمتيه معايا طول فترة خفض الوزن تطبقيه في المستقبل.

هي: بس أنا سمعت ان فيه دكاترة بيثبتوا الوزن بالابر الصينية.

تـتـمـة يوميات طبيب تخسيس – تثبيت الوزن (6)

هي: أنا عاوزة أخس يا دكتور.. بس من فضلك ما تحرمنيش من الرز والمكرونة والخبز والشوكولاتة والجاتوه.. وبعدين أنا مش باحب الحركة.. وبأسهر للصبح وبأنام للساعة 4 بعد الظهر..

أنا: (في حالة صدمة) يعني انتي بتعملي كل حاجة تزيد الوزن.. وبعدين في أول كلمة معايا بتفرضي شروطك؟

تـتـمـة يوميات طبيب تخسيس – حتة صغيرة (5)

إتصل بي معد برامج بالاذاعة المصرية، طالبا مني بأدب شديد أن أشارك في بعض البرامج الاذاعية المتعلقة بالتغذية في شهر رمضان الكريم. سعدت بالدعوة طبعا، واتفقنا على موعد التسجيل:

المعد: سنسجل من سبع لعشر حلقات مرة واحدة.

أنا: (مندهشا من الرقم) مش كتير؟

المعد: لا.. الحلقة ها تكون حوالي عشر دقايق.

أنا: يعني ها ناخد وقت قد ايه؟

المعد: بتاع ساعتين كده.

أنا: المهم يكون بعيد عن مواعيد العيادة بتاعتي. مواعيد العيادة مقدسة. تـتـمـة يوميات طبيب تخسيس – موعد في الاذاعة المصرية (4)

هي: (هلعة) أرجوك يا دكتور.. أنا ماليش أمل غيرك.. انقذني يا دكتور.

أنا: (محاولا طمأنتها) طيب اهدي يا ستي.. خلي أملك في ربنا.. واللي في ايدي ها أعمله.

هي: إنت الأمل الوحيد يا دكتور.. وأنا متأكدة انك مش ها تخذلني.

أنا: (بهدوء) خلينا نشوف انتي عاوزة إيه وأنا أقدر أعمله ولا لأ.

هي: خطوبتي بعد اسبوعين يا دكتور.. وأنا لازم أخس بسرعة.

أنا: (مندهشا) تخسي بسرعة في اسبوعين؟ طب ازاي؟

تـتـمـة يوميات طبيب تخسيس – في أسرع وقت (3)

أنا: من المهم يا مدام انك تتناولي الوجبات في مواعيدها.. وآخر وجبة اللي هي العشاء تكون قبل الساعة عشرة مساء.

هي: لا يا دكتور.. أنا العشا بتاعي بيكون الساعة 3 الفجر..

أنا: (مندهشا) ليه التأخير دا؟

هي: (منتشية) علشان الباشمهندس جوزي بيحبني اتعشى معاه علشان أفتح نفسه.

أنا: (مستنكرا) وليه بتتعشوا متأخر كده؟

تـتـمـة يوميات طبيب تخسيس – عشاء مع الباشمهندس (2)

أنا: برافو عليكي نزلتي 4 كيلوجرام أول اسبوع.. عاوزين نفس الالتزام علشان نكمل لحد ما توصلي لوزنك المثالي.

هي: البركة في ربنا وفيك يا دكتور.

أنا: لولا التزامك مش ممكن نوصل لأي نتيجة.

هي: طب ليا سؤال يا دكتور.. أنا صحابي قالولي إن فيه يوم مفتوح.. يعني يوم آكل كل اللي نفسي فيه..

تـتـمـة يوميات طبيب تخسيس- اليوم المفتوح (1)