الأرشيف

أحمد طارق

اولا انا عارف انى اتاخرت كتيييييييييييير اوى بس والله هذا لظروف خارجه عن اراداتى عامه فى بصراحه كده وبينى وبينكم بس اوعى حد يقول للدكتور؟؟

ههههههههه انا لخبطت فى الاكل الفتره اللى كنت بعيد فيها عن الدكتور مش عارف ليه بس والله غصب عنى انا مش كنت بفطر ولا باكل طول النهار بسبب الشغل بس كنت بعوض باليل وديه طبعا حاجه غلط جدا بس الحمد لله جيت فى الاخر وفوقت وحسيت انى ههد كل اللى الدكتور وانا بنيناه سوا  وابتديت احرم نفسى كتير عشان على الاقل لما اروح اوزن مش ابقى زايد كتير وكانت المفاجئه انى مش زدت وزنى ثبت مع انى كنت خايف اوى الاسبوع ده طبعا د عماد كان زعلان منى جدا جدا بسبب تاخرى وعدم مجيئى وعدم نزولى بس انا صالحته وقلتله مفيش اب بيزعل من ابنه وديه حقيقه انا معاملتى مع الدكتور عماد كمعامله الاب وابنه مش دكتور ومريضه   وادانى النظام الخامس وهو نظام مريح جدا عشان مش محروم منه من شىء اما عن النصائح اولا عدم الاكل بالليل ثم النوم وياريت ياريت نهتم بوجبه الافطار حيث انها اهم وجبه  وكمان بتدينا طاقه لليوم كله بدل ما نجوع اليوم كله ونلخبط الدنيا زييى وكمان البعد حبه عن الكيمياء والمقصود بيها الادويه طبعا  زى اورليستات والسيبوتريم  والخ الخ انا جربت جميع الادويه ديه وبجد بضر مش بتقيد خلينا طبيبعين احسن واستنونى فى تقريرى القادم ان شاء الله  وشكر خاص طبعا للدكتور عماد ومساعديه على المجهود المبذول معى   والسلام عليكم ورحمه الله وبركاته.

اولا السلام عليكم انا عارف انى اتاخرت فى كتابه تقريرى الرابع مع الدكتور عماد وهذا خارج عن اراداتى  لمرضى الشديد وعدم قدرتى على الكتابه او الجلوس اما الجهاز انا كنت مصاب بنزله شعبيه حاده  بس الحمد لله نظامى مع الدكتور عماد ماشى كويس ووزنت والحمد لله خسيت 2 كيلو وبشكر كل اللى سال عليه وكل من سال الله الشفاء ليه وبطمنكم الحمد لله انا احسن بكتير من الاول وباذن الله هقوم بالسلامه وتحيه خاصه لاهل عمان طبعا لمتابعتهم لرسائلى الاسبوعيه ويومياتى مع الدكتور عماد والى كل المشاركين فى الموقع وطبعا الدكتور عماد ومساعديه وشكرا   الاسبوع ده باه مش هدى نصائح انا مستنى نصائح وطبعا اى معلومه جديده هكون ممتن لمعرفتها ده غير طبعا انى هعرف مين متابعنى ومين مش متابع هستنى اخر معلوماتكم وعلى فكره د عماد انا بهديله كل شكر لاتصاله المتواصل بيه لمعرفه حالتى واطمئنانه عليه متشكر جدا يا دكتور  ودائما فى سعاده ورخاء ولكم جزيل الشكر.

اولا السلام عليكم ورحمه الله وبركاته ثانيا باه انا دلوقتى وزنى 124.700 بعد ما كان 130 والنهارده الدكتور ادانى فى النظام الغذائى ارز وما تستغربوش دول اربع معالق بس مع امتداد اكل الخضروات والفاكهه لامتدادها بالالياف الطبيعيه والرياضه ثم الرياضه فالرياضه وعدم الاكل والنوم عدم الاكل اثناء بذل المجهود حيث ان الجسم حين بذل المجهود يستهللك كميه اكل اكبر  واخر النصائح هى الماء البارد فحين شرب الماء البارد يقوم الجسم برفع درجه الحراره حتى يعادل الماء البارد وبالتالى حرق اكثر   وانتظرونى يوميات الاسبوع الرابع.

شكر خاص للدكتور عماد صبحي.

هذه يو ميات الاسبوع الثانى
اولا فى شويه نصائح اخذتها من الدكتور احب افيدكم بها
1:اكل الفاكهه اصح من شرابها كعصير وذللك لان كوب العصير يحتوى على ثلاث برتقالات ده غير فقدان الالياف الطبيبعيه عند عصيرها وبالتالى عند اكلها ناخذ الالياف ولانفقدها.
2:العيش السن الناشف مثله كمثل العيش العادى والاصح هو العيش السن الطرى وهو متواجد بالاسواق
اما عن وزنى فصار 126 بدلاا من 130 والحمد لله فى تقدم وفى راحه نفسيه معتدله وده بفضل الله تعالى والدكتور عماد طبعا صراحه اهديه كل الشكر والتقدير هو ومساعديه فى العياده   وانتظروا   ان اشاء الله يوميات الاسبوع الثالث.

(هذه رسالة من أحمد طارق الذي تبنى د. عماد صبحي علاج حالته أثناء ظهور في برنامج “خطوة” في تليفزيون أبو ظبي، وهو يعاني من السمنة)

اولا سوف اعرض عليكم باذن الله يومياتى مع دكتور عماد وكل اسبوع متابعه معاه.

الاسبوع الاول طبعا انا نزلت 2ك وعلى فكره ده تقصير منى شويه وطبعا كنت مضايق لانى توقعت انزل اكتر من كده ود عماد طبعا حاول يخرجنى من الاحساس ده واخذت النظام الغذائى الثانى ولازلت امارس رياضة المشى ولكن وقت اكتر من الاسبوع الاول وسوف اطرح يومياتي كل اسبوع انشاء الله  وده طبعا للاستفاده  واقترح من الساده المشتركين ان نتواصل مع بعضنا البعض عبر الموقع كما لو كنا اعضاء فى عيادته واسف للاطاله.

شكرخاص جدا جدا ل د عماد