الأرشيف

وزني لا ينقص مع كل ما أفعله – انجي

الأستشارات  :  الأحد 11 مايو 2008

السلام عليكم

دكتور انا جربت شوربة الكورنب ومعملتش معايا حاجة بس انا حاسة وهو مش احساس انى زدت ما يعادل خمسة كيلو تقريبا ودة شئ حايموتنى لان موضوع الوزن والشكل مهم جدا بالنسبة لى وخاصة لان حالتى النفسية اصبحت فى أسوء حالتها ارجوك قولى اعمل ايه مش باكل ارز او مكرونة او عيش ولا حلويات

اكلى الصبح فاكهة +نسكافية باللبن وبدون سكر انا بشتغل من الساعة 10 الى الساعة 6 وعندى 3 ايام كورسات برجع منها حوالى الساعة 10:30 طوال اليوم مش باكل بعتمد على شرب النسكافية سادة بدون سكر بدون لبن واحيانا قليلة لما بجوع بجيب بسكوت خاص بالدايت لما بروح باكل خضار مسلوق او سلطة وممكن بيض لحمة مش بكلها والفراخ قليل اكتر الوقت مليش نفس

ارجوك ساعدنى لانى حاسة بالياس بجد وزنى الصيف الماضى وصل 59 ودلوقتى انا 67 تقريبا دة لو مطلعش أزيد

عندى مشكلة سوء هضم وغازات واكثر الوقت بيكون عندى امساك وطبعا الانيميا دية مشاكلى الصحية

اررررررررررررررررررررررررررجوك ساعدني

ما تمارسينه هو نموذج صارخ لسوء التنظيم الغذائي .. فالتجويع الشديد ثم الاستعانة بالبسكوت لن يفيدك بشيء.. سوء الهضم والانيميا يستلزمان فحص طبي.. وبعدها سيقرر الطبيب النظام الغذائي السليم الذي يجب أن تتبعيه.