الأرشيف

بذور الكتان وخفض الوزن والكوليسترول – مها من الكويت

الأستشارات  :  الأربعاء 22 سبتمبر 2010

صباح الخير يا دكتور عماد
أد ايه الموقع مفيد فعلا ورائع ومنظم جدا ودايماً بأطلع عليه بشكل يومي وبلاقي فيه رد على أسئلتي خصوصاً في باب الاستشارات
لكن عندي سؤالين :
1.قريت كتير عن بذر الكتان انه له دور كبير في تخيض الوزن مع تنظيم الأكل وأنا عندي يقين ان مفيش حاجة ناكلها تخسس بدون تنظيم أكل ، لكن أريد أن أعلم من حضرتك عشان تكون المعلومة صحيحة وعلمية : هل بذر الكتان له فوائد ؟؟؟؟؟؟؟
2. قريت في مقال لحضرتك ان التنظيم الغذائي أهم بكتيير من الاهتمام بالرياضة والذهاب للجيم وان الرياضة وحدها لاتكفي لخفض الوزن لكن إذا أكلنا بشكل صحي ونظمنا الطعام ده ممكن يعمل على خفض الوزن ، وانا لي تجربة مع حضرتك قبل كده في الريجيم ، وبرضه بعدها جربت لوحدي أعمل ريجيم مشيت فيه على كتاب (أسرار الجسد) وكنت باعمل رياضة مشي نص ساعة وخسيت كويس جدا ، دلوقتي أنا رجع وزني زاد تاني واللي كان بيكسلني عن الريجيم اني معنديش وقت نهائي وظروفي لا تسمح بعمل رياضة ولما قريت مقال حضرتك اتشجعت اني اعمل دايت بدون رياضة وبدأت فعلاً ، لكن عاوزة أعرف هل هينخفض وزني على النظام الغذائي فقط ، مع العلم إني باشتغل عدد ساعات طويلة (عمل مكتبي) وأنا أعلم ان الحركة مهمة جداً لكن للأسف ظروفي لا تسمح . أرجوك تفيدني ؟
أعتذر على التطويل وأشكرك على إهتمامك برسالتي.

1- بذور الكتان تحتوي على احماض دهنية مفيدة لخفض معدلات الكوليسترول، لكن خفض الوزن هو بالدرجة الأولى تنظيما للغذاء.

2- خفض الوزن ممكن جدا طبعا باتباع نظام غذائي حتي بدون رياضة.. الرياضة هنا مفيدة للمرونة واللياقة البدنية.. لكن اتباع نظام غذائي حتى بدون رياضة سيخفض وزنك بالتأكيد.

 

ومن المهم بعد خفض وزنك الابتعاد عن الأغذية الضارة مثل المحتوية على سكريات وكثير من النشويات والدهون، والاهتمام بالخضراوات والفواكه والبروتينات والحبوب الكاملة والمكسرات ومنتجات الالبان قليلة الدسم.