الأرشيف

حاولت الانتحار 3 مرات بسبب سمنتي – م. من القاهرة

الأستشارات  :  الثلاثاء 8 سبتمبر 2009

انا شاب مصرى لكن مش زى اى شاب انا عمرى 22 سنه لم اعش حياه هنيئه مثل اى طفل ولم اعش حياه سعيده مثل اى شاب عمرى ما لعبت مع حد وانا صغير ولا كان ليه اصحاب بسبب انهم بيتريئوا عليه وحتى لما كبرت اللى المفروض اسمهم صحابى لما بيبقوا مش وراهم حاجه يعملوها يقوموا قلبين القاعده عليه تريقئه كانى مش بحس ولا انسان بروح بيتنا واعد ابكى لحد ما عينى بتوجعنى عملت ريجيمات كتير وخسيت شويه انا كان وزنى اصلا 158 ك وبقى 127 ودلوقتى بقى 130 مش عارف اعمل ايه.

انا خطبت بس بتكسف اروح ازور خطيبتى كل لما ببص فى شكلى بتمنى انى مكنتش خطبت من كتر ما بحبها وبتمنى انها تكون ارتبطت بانسان رفيع وشكله حلو ده غير انى محروم من الخروج معاها وهخرج معاها ازاى وانا بشكلى ده ولو مثلا هنعد على كافيه هبقى مش اعد على الكرسى مرتاح ده غير العرق اللى كل شويه هعرقه قدامها خلاصه السمنه مسببالى مرض نفسى خطير ومش عارف اعمل ايه يا دكتور انا قربت اصدق صحابى انى هعيش تخين وهموت تخين انا محدش بيعاملنى كويس يا دكتور.

انا تعبت اوى نفسى اعيش زى بقيت الناس مش ده حقي يا دكتور نفسى اخرج مع خطيبتى نفسى حتى اتفسح اخش سينما انا محروم من الحاجات ديه كلها بسبب السمنه والناس يا دكتور ما بيرحموش وانا تعبت اوى والله ربنا واحده هو اللى يعلم بيه انا قررت الانتحار تلات مرات وربنا ستر خايف اموت يا دكتور ومش عارف اعمل ايه وبيبنى وبينك اهلى مش معاهم يدفعوا الاف  الجنيهات فى عمليه تخسيس يقولوا جهاز اختى اولى انا تعبت ياريت مش تنسانى يا دكتور اسف للاطاله بس انا طلعتلك كل اللى جوايه مش لاقى حد اكلمه والله استحملنى

لا داعي لنبرة اليأس في كلامك.. والموضوع لن يكلف آلاف الجنيهات كما تقول.. لم تذكر في كلامك أنك ذهبت الى طبيب لكي يساعدك بخطوات مدروسة.. وأنا أرحب بك في عيادتي لكي تبتسم لك الحياة مرة أخرى.