الأرشيف

حالتي النفسية سيئة – هانا فريدي

الأستشارات  :  الأربعاء 4 أكتوبر 2006

مساء الخير يا دكتور عماد ازاي حضرتك

انا بصراحه بكتب لحضرتك وانا في حاله ضيق شديد جدا

وملقتش حد اتكلم معاه غير حضرتك علشان انا عارفه ان حضرتك بتستوعب الناس كلها

بصراحه يا دكتور انا الحمد لله عندي من المعلومات عن الغزاء الصحي كتير

من المعلومات الحضرتك بتقولها ومن المقالات البقراها والبرامج البشوفها

لكن مشكلتي ان انا ساعات بحس ان انا مش في وعيي وباكل حاجات غريبه وملهاش صله ببعض

وفي النهايه معدتي بتالمني جدا وبتخن جدا

وطبعا نفسيتي بتتاثر

انا معرفش ايه البيخليني اعمل كده في نفسي

وبالرغم من ان انا مش عندي زياده وزن جامده يعني

بس بحس ان انا مثلا لو لخبط في حاجه في اكلي او لو لخبط يوم او لو غظب عني اكلت حاجه حلوه

بحس كاني بعاقب نفسي فباكل اكتر كمان واعاقب نفسي تاني فاكل اكتر واكتر

انا والله بكتبلك وانا باكيه

هو انا كده مريضه ولا ايه وليه بعمل كده في نفسي

انا كنت بعت لحضرتك وقلتلك اعمل ايه وتفتكر ايه الخطوات الاعملها تخليني التزم ومخرجش عن الدايت بتاعي

وحضرتك قلتلي انك حترد عليا ومردتش

ارجوك قولي اعمل ايه وايه تفسير الانا بعمله في نفسي ده هو انا كده مريضه؟

وايه الاعمله يخليني التزم بالدايت

وايه الاعمله يخليني معاقبش نفسي واكل اكتر لما الخبط في الاكل

ارجوك تقولي

علشان انا كمان تخنت اوي وحاسه بضيق رهيب

ميرسي خالص يا دكتور عماد

حالتك تسمى “الشره المرضي” وهي موصوفة بدقة في كتابي “أسرار الجسد” الذي أعتقد أنك تحتفظين بنسخة منه .. أرجو منك قراءة هذا الفصل ومعاودة الكتابة.